پاکستانی عوام غیرملکی کھلاڑیوں سے بے پناہ محبت کرتی ہے-فضل سبحان

اسلام آباد(امت نیوز)ڈیوس کپ کے سابق کوچ فضل سبحان نے کہاکہ ملک میں بے نظیر بھٹو شہید انٹرنیشنل ٹینس چیمپیئن شپ سے ٹینس کے کھیل کو فروغ ملے گا۔ گذشتہ روز میڈیا سے گفتگو کرتے ہوئے انہوں نے کہا کہ بے نظیر بھٹو شہید انٹرنیشنل ٹینس چیمپیئن شپ میں غیرملکی کھلاڑیوں کے علاوہ پاکستانی کھلاڑیوں کی کثیر تعداد نے بھر پور حصہ لیا۔ انہوں نیکہا کہ اس سے ثابت ہوگیاہے کہ پاکستان کھیلوں کے حوالے سے ایک پر امن اور محفوظ ملک ہے اور پاکستانی عوام غیرملکی کھلاڑیوں سے بے پناہ محبت کرتی ہے۔