اسپورٹس کا فروغ پنجاب حکومت کی اولین ترجیح ہے- ندیم محبوب

لاہور(امت نیوز) سیکرٹری سپورٹس پنجاب ندیم محبوب نے سپورٹس بورڈ پنجاب کے زیراہتمام پنجاب سٹیڈیم میں انڈر 16کھلاڑیوں کے میٹ ریسلنگ اور اتھلٹیکس کے کوچنگ اینڈ ٹریننگ کیمپ کا افتتاح کیا،اس سلسلہ میں پروقار تقریب منعقد کی گئی جس میں سیکرٹری سپورٹس پنجاب ندیم محبوب نے فیتہ کاٹ کر افتتاح کیا، اس موقع پر فضا میں غبارے بھی چھوڑے گئے، قبل ازیں پنجاب سٹیڈ یم آمد پر سیکرٹری سپورٹس پنجاب ندیم محبوب کا پرتپاک استقبال کیا گیا۔