ثنا میر نے ایک اور اعزاز حاصل کرلیا

لاہور(امت نیوز) ثنا میر نے آئی سی سی ویمنز ون ڈے ٹیم آف دی ایئر میں جگہ بنالی وہ یہ اعزاز پانے والے پہلی پاکستانی خاتون کرکٹر بن گئیں۔سال اور ایک روزہ کرکٹ کی بہترین کھلاڑی کا ایوارڈ بھارتی سمرتی مندانا کے نام رہا، ٹی ٹوئنٹی کی بیسٹ پلیئر الیسا ہیلی، ایمرجنگ کرکٹر صوفی ایکلیسٹون کو قرار دیا گیا۔ تفصیلات کے مطابق گزشتہ سال عمدہ کارکردگی کی بنیاد پر بنائی گئی آئی سی سی ویمنز ڈریم ٹیم میں بھارتی سمرتی مندانا، انگلینڈ کی ٹیمی بیوماؤنٹ،صوفی ایکلیسٹون،کیوی سوزی بیٹس (کپتان) صوفی ڈیوائن، جنوبی افریقی ڈین وین نیکرک، میریزانے کیپ، آسٹریلوی الیسا ہیلی(وکٹ کیپر)، ویسٹ انڈین ڈینڈرا ڈوٹن، پاکستان کی ثناء میر اور بھارتی پونم یادو کو جگہ ملی ہے۔