بلوچستان سے اسمگل 625کلو چھالیہ برآمد

کراچی (اسٹاف رپورٹر) گارڈن پولیس نے بلوچستان سے کراچی 625 کلو چھالیہ کی اسمگلنگ ناکام بناتے ہو ئے 2 ملزمان کو سوزوکی اور بھاری مقدار میں چھالیہ برآمد کرلی۔ تفصیلات کے مطابق گارڈن پولیس کو خفیہ ذرائع سے اطلاع ملی کہ گٹکا مافیا کے کارندے بلوچستان سے بھاری مقدار میں چھالیہ اسمگل کر کے کراچی لائے ہیں اور سپلائی کے لیے علاقے میں آنے والے ہیں، جس پر پولیس نے ناکہ لگا کر چیکنگ شروع کردی ،اسی دوران ایک مشتبہ سوزوکی کو روک کر چیک کیا تو اس میں سے بھاری مقدار میں مضر صحت چھالیہ برآمد ہو ئی۔ پولیس نے چھالیہ و سوزوکی کو قبضے میں لیتے ہو ئے 2ملزمان شریف اور اسد اللہ کو گرفتار کرلیا۔پولیس نے کہا کہ گاڑی میں 25بوری رکھی تھی جس میں چھالیہ تھی اور ہر بوری کا وزن 25کلو تھا۔