ٹیم کو نئے سال میں بہتر پرفارمنس دینا چاہئے -صادق محمد

لاہور (امت نیوز) سابق ٹیسٹ کرکٹر صادق محمد نے کہا ہے کہ قومی ٹیم ٹی ٹوئنٹی فارمیٹ میں بہترین ہے تاہم اسے ٹیسٹ اور ون ڈے میں اپنی کارکردگی بہتر بنانے کی ضرورت ہے ،پاکستان کرکٹ ٹیم کو ماضی کی غلطیوں سے سبق سیکھتے ہوئے سال 2019میں بہتر سے بہتر پرفارمنس دینا چاہئے ۔اے پی پی سے خصوصی گفتگو کرتے ہوئے انہوں نے کہاکہ پاکستان ٹیم میں باصلاحیت کھلاڑی شامل ہیں اور ان کی موجودگی میں قومی ٹیم دنیا کی کسی بھی ٹیم کو ہرانے کی صلاحیت رکھتی ہے ۔