بھارت کی کبڈی ٹیم لاہور پہنچ گئی
لاہور(امت نیوز ) سہ ملکی کبڈی سیریز میں شرکت کے لئے روایتی حریف بھارت کی کبڈی ٹیم لاہور پہنچ گئی،پاکستان کبڈی فیڈریشن کی طرف سے بھارتی ٹیم کا پرتپاک استقبال کیا گیا ، پاکستان میں کبڈی کا انٹرنیشنل میلہ فیصل آباد میں جاری ہے ، ایونٹ میں حصہ لینے کے لئے ایران کی ٹیم منگل کی شام لاہور پہنچی جب کہ بھارتی ٹیم جمعرات کے روز براستہ واہگہ لاہور آئی ہے۔چیمپئن شپ کے بعد انٹرنیشنل کبڈی سیریز کا انعقاد کیا جائے گا جس میں پاکستان کے ساتھ بھارت اور ایران کی ٹیمیں شریک ہوں گی، سیریز کے مقابلے آٹھ جنوری سے چودہ فروری تک سرگودھا، بہاولپور، ساہیوال اور لاہور میں کھیلے جائیں گے، پاکستان کبڈی فیڈریشن کے ترجمان کا کہنا ہے کہ انٹرنیشنل ایونٹ کے انعقاد سے پوری دنیا میں پاکستان کا مثبت امیج ابھرے گا اور کھلاڑیوں کو اپنی صلاحیتوں کے اظہار کا موقع ملنے کے علاوہ تجربہ حاصل ہوگا۔
