لاہورانڈر 13 ٹیم کے اعزاز میں تقریب کا فیصلہ
لاہور(امت نیوز) ایل سی سی اے نے پی سی بی انٹر ریجن انڈر۔13 کرکٹ ٹورنامنٹ جیتنے پر لاہور ریجن کی ٹیم کے اعزاز میں تقریب منعقد کرنے کا فیصلہ کیا ہے۔ ترجمان لاہور ریجن عابد حسین کے مطابق اگلے ہفتے شاہ ریز عبداللہ روکھڑی صدر لاہور ریجن کی ہدایت پر فاتح ٹیم کے اعزاز میں تقریب منعقد کی جائیگی جس میں ٹیم کے تمام کھلاڑیوں، کوچنگ اور سپورٹ سٹاف کو انعامات دئیے جائیں گے جبکہ اس کے ساتھ ساتھ چیف سلیکٹر لاہور ریجن حفیظ الرحمن کو بہترین ٹیم منتخب کرنے پر کیش پرائز اور تعریفی سند بھی دی جائیگی۔
