مختلف علاقوں سے متحدہ لندن کے ٹارگٹ کلر سمیت23گرفتار

کراچی (اسٹاف رپورٹر)رینجرز اورپولیس نے متحد ہ لندن کے ٹارگٹ کلر 2 کارکنان سمیت 23 ملزمان کو گرفتار کر لیا ۔ تفصیلات کے مطابق رینجرز نے ڈیفنس سے لوٹ مار کی وارداتوں میں ملوث متحدہ لندن کے کارکنوں ارشد اور کامران کو حراست میں لے لیا جبکہ پولیس نے متحدہ لندن کے ٹارگٹ کلر کاشف صدیقی کو گرفتار کرکے اسلحہ ۔دستی بم برآمد کر لیا رینجرز نے میمن گوٹھ سے ڈکیتی میں ملوث حمزہ ،علی نواز،بلال اختر کو گرفتار کرلیا رینجرز نے سرسید سے منشیات فروش محمد حسن کو گرفتار کرلیا سرجانی پولیس نے محمد علی سے اسلحہ برآمد کرلیا، پاپوش نگر سےبلال، اویس سے اسلحہ اور موٹر سائیکل برآمد کرلی ملزمان نے اسٹریٹ کرائم کی وارداتوں کا اعتراف کیا جبکہ قومی ایکشن پلان کے تحت ملکوک کو گرفتار کرلیا ۔ چینسر گوٹھ سے مقابلے کے بعد منشیات فروش عدنان کو گرفتار کرکے اسلحہ اور منشیات برآمد کرلی۔کورنگی سے گرفتار جنید سے چرس برآمد ہوئی سولجر بازار سے فرحان، شاہ نواز اور عبدالحق سے اسلحہ اور منشیات برآمد کی گئی ، بلال کالونی پولیس نے دانیال اور آصف کو گرفتار کرکے اسلحہ اور موٹر سائیکل برآمد کرلی ۔ نادیہ ہوٹل ، علی بستی گلبہار اور دیگر مقامات سے منظور ، شاہد الرحمن، سکندر علی، عبدالرحمن اور فیصل گرفتار ہوئے ،ملزمان سے ساڑے 3کلو چرس اور گٹکا برآمد ہوا ۔ سائٹ پولیس نے رینجرز سے مل کر فقیرا گوٹھ میں ٹارگٹڈ آپریشن کیا اور گھر گھر تلاشی کے دوران متعدد مشتبہ افراد کو حراست میں لے لیا گیا، آپریشن میں کھوجی کتوں سے بھی مدد لی گئی۔ زیر حراست ا فراد کو کوائف کی تصدیق کی بعد چھوڑ دیا گیا۔