خضدار میں دستی بم دھماکے سے 3 بچے جاں بحق

کوئٹہ (نمائندہ خصوصی)بلوچستان کے ضلع خضدار کی ذیلی تحصیل ناگ میں دستی بم کے دھماکے میں 3 بچے جاں بحق اور ایک شدید زخمی ہوگیا۔لیویز حکام کے مطابق گاؤں راغے کلی بہرام میں 4 بچوں کو دستی بم ملا جس سے وہ کھیل رہے تھے کہ دھماکا ہو گیا۔دھماکے کے نتیجے میں 3 بچے موقع پر ہی جاں بحق اور ایک زخمی ہوگیا۔زخمی ہونے والے بچے کوعلاج کے لیے سی ایم ایچ خضدار منتقل کیا گیا۔دھماکے میں جاں بحق و زخمی ہونے والے بچوں کی عمریں 7 سے 10 سال کے درمیان تھیں۔