سولجر بازار میں تالا توڑ گروپ صفایا کر گیا

کراچی(اسٹاف رپورٹر) سولجر بازار نمبر 2 میں تالا توڑ گروپ دکانوں کا صفایا کرگیا۔واقعے کے خلاف دکانداروں نے احتجاج کرتے ہوئے سڑک کو بند کردیا۔تفصیلات کے مطابق سولجر بازار تھانے کی حدود سولجر بازار نمبر 2 کے قریب ملزمان نے دکانوں کے تالے توڑ کر 5 لاکھ سے زائد رقم اور قیمتی اشیا لوٹ کر فرار ہوگئے۔واقعے کے خلاف تاجروں نے احتجاج کرتے ہوئے سڑک کو بند کردیا ، جس سے ٹریفک جام ہوگیا۔ پولیس کے مطابق ملزمان ملک شاپ سمیت 2 دکانوں کے تالے توڑ کر رقم لے اڑے ہیں، جس میں 5 لاکھ روپے چوری کیے جانے کی اطلاع ملی ہے۔آئی جی کلیم امام نے واقعہ کا نوٹس لے لیا ہے ۔