متحدہ لند ن کے دہشت گرد سمیت 14 ملزم دھر لئے گئے

کراچی (اسٹاف رپورٹر)رینجرز اور پولیس نے کارروائیوں کے دوران متحدہ لندن کے دہشت گرد سمیت14 ملزم دھرلئے۔ ملزمان سے اسلحہ ، منشیات اور شیشہ برآمد کرلیا۔ تفصیلات کے مطابق رینجرز نے بوٹ بیسن سے متحدہ لندن کے دہشت گرد اشرف عرف ہونٹ کٹا کو گرفتار کرلیا جو لوٹ مار میں ملوث ہے ۔بلدیہ ٹاؤن سے بھی اسٹریٹ کرائم میں ملوث شہباز مسیح کو گرفتار کیاہے ، سائٹ سپر ہائی وے میں کارروائی کرتے ہو ئے 2ملزمان منہاج اور فیصل کو گرفتار کرلیا جو کہ سائبر کرائم میں ملوث ہیں ، سائٹ میں ہوائی فائرنگ کرنے والے 5ملزمان سلیمان ،اعظم علی ،امجد ،شیخ عمر ،زبیر کو گرفتار کرلیا گیا ۔ادھربوٹ بیسن پولیس نے شیشہ بار پر چھاپہ مارکر ملزم آصف کو گرفتار کرکے منشیات برآمد کرلی، سمن آباد پولیس نے ملزم شمس خان ، چاکیواڑہ پولیس نے مقابلے کے بعد ملزم کاشف عرف ریمبو عرف راشد بلوچ کو گرفتار کرکے اسلحہ برآمد کرلیا، رضویہ پولیس نے ملزم نور محمد اور رشید کو گرفتار کرلیا ۔ملزمان سے اسلحہ بھی برآمد ہواہے ۔