اپالو اسپورٹس کی تقریب تقسیم انعامات

لاہور (امت نیوز)اپالو سپورٹس کے زیر اہتمام ریلوے علامہ اقبال انسٹیٹیوٹ گرائونڈ پر کھلاڑیوں کے اعزاز میں تقریب تقسیم انعامات کا انعقاد کیا گیا۔ اس موقع پر ایم پی اے چوہدری شہباز احمد مہمانِ خصوصی تھے۔ اس موقع پر کرکٹ پرموٹر حاجی میاں محمد الیاس مغل، چوہدری شفقت حسین، صدر فیض رسول، سیکرٹری جنرل پاکستان سپورٹس مین ویلفیئر ایسوسی ایشن منظور علی عارف، تنویر جبار اور کھلاڑیوں کی بڑی تعداد موجود تھی۔ مہمانِ خصوصی نے الیاس مغل کی کھیلوں میں خدمات پر انہیں شاندار الفاظ میں خراج تحسین پیش کیا اور کھلاڑیوں میں کٹیں تقسیم کیں۔