اندھا دھند دکانیں گرانے سے ایک شخص زخمی

کراچی (اسٹاف رپورٹر)چڑیا گھر کے اطراف کے ایم سی کے آپریشن کے دوران اندھا دھند دکانیں گرانے سے ایک شخص شدید زخمی ہوگیا، جسے ایمبولینس کے ذریعے سول اسپتال منتقل کیا گیا۔ گزشتہ روز انہدامی کارروائی کے دوران حفاظتی اقدامات نہیں کئے گئے تھے،اس دوران دکان کی چھت گرنے سے ایک شخص زخمی ہوا جبکہ دیگر کو چوٹیں آنے کی بھی اطلاعات ہیں۔ بتایا جاتا ہے کہ زخمی ہونے والا شخص لوہا چننے والا تھا۔ اطلاعات کے مطابق چڑیا گھر کے اطراف آپریشن کے دوران لوگوں کی بڑی تعداد جمع ہو گئی تھی۔