بھارتی سائنسدانوں نے آئن اسٹائن نیوٹن مشاہدات غلط قرار دیدیئے

نئی دہلی ( مانیٹرنگ ڈیسک) جالندھر میں ہونے والی 106 ویں سائنس کانفرنس ميں بھارتی سائنسدانوں نے سائنسی تاریخ کو جھٹلاتے ہوئے دعویٰ کیا ہے کہ آئن اسٹائن اور نیوٹن کی فزکس جلد ختم ہوجائے گی اور نئی ثقلی لہروں کا نام نریندرا مودی لہريں ہوگا۔اس سائنس کانفرنس میں بھارتی سائنسدانوں کے مضحکہ خیز دعوے سامنے آئے ہیں جس میں انہوں نے آئن اسٹائن اور نیوٹن کے سائنسی نظریات کو یکسر مسترد کردیا اور حکمرانوں کی خوشامد میں ہوائی مشاہدات کو ان کے ناموں سے منسوب کرڈالا ہے۔ سائنسدان کنان جیگاتھلا کرشنان نے کہا کہ فزکس کی مساوات کو حل کرنے میں نیوٹن اور آئن اسٹائن نے بہت بڑی غلطیاں کی ہیں۔