مقابلے ۔چھاپوں کے دوران ٹارگٹ کلر سمیت 26 ملزم گرفتار

کراچی (اسٹاف رپورٹر ) رینجرز اور پولیس نے شہر کے مختلف علاقوں میں مقابلے اور چھاپوں کے دوران ٹارگٹ کلر، بھتہ خور سمیت26 ملزمان گرفتار کر لئے۔ رینجرز ترجمان کے مطابق رینجرز نے سرجانی ٹاؤن سے ٹارگٹ کلر شارون بیلیم عرف ولسن مسیح کو جب کہ ناظم آباد سے بھتہ خور اور ڈکیت محمد حنیف کو گرفتار کرلیا۔اسی طرح شاہ فیصل کالونی ،الفلاح اور زمان ٹاؤن سے ڈکیتی ولوٹ مار کی وارداتوں میں ملوث ملزمان محمد شعیب، محمد سعد خان ،ارباب عرف کالا، بابر عباس خان، حمزہ محسن،سنی ،عبدالصمد اور احد عالم عرف کالا فرعون کوگرفتار کرلیا۔ ملزمان کے قبضے سے غیر قانونی اسلحہ ،ایمونیشن اور مسروقہ سامان بھی برآمد کیا ہے ادھر قائدآباد پو لیس نے شیر پاؤکالونی میں منشیات فروشوں کیخلاف کریک ڈاؤن کرتے ہوئے12 ملزمان نیاز، ناصر، منور، جہانزیب، فضل، فضل یاسین، زمان، عبداللہ، گل رحمان، فہیم، گل رحیم اور نور نبی کو گرفتار کرکے منشیات برآمد کرلی جب کہ گلشن اقبال پولیس نے مقابلے کے بعد 4ملزمان فیض اللہ ،نزیر حمیر ،محمد عادل اور چاند علی کو گرفتار کر لیا ہے،ملزمان سے اسلحہ ،مسروقہ موٹر سائیکل اور دیگر سامان برآمد کرلیا ۔