شکایات کےازالے کیلئے فوری پولیس ریسپانس یقینی بنایا جائے-آئی جی

کراچی(اسٹاف رپورٹر) آئی جی سندھ ڈاکٹر کلیم امام نے مددگار15 کال سینٹر کا اچانک دورہ کیا اور شہریوں کی کالز پر اسٹاف کا رویہ اور انداز گفتگو سمیت دیگر جملہ ضروری امور کا جائزہ لیتے ہوئے ضروری ہدایات دیں۔ اس موقع پر ایس ایس پی ساؤتھ اور ایس ایس پی ملیر سمیت دیگر افسران بھی انکے ہمراہ تھے۔ آئی جی سندھ نے کہا کہ مددگار کے اقدامات کو مفاد عامہ اور جرائم کیخلاف جاری جنگ کی کامیابی کیلئے مزید موثر بنایا جائے۔