اینگرو کارپوریشن نے اقوام متحدہ کے گلوبل کا مپیکٹ سسٹینیبلٹی ایوارڈ میں پہلا انعام جیت لیا

کراچی (بزنس رپورٹر) اینگرو کارپوریشن نے اقوام متحدہ کے گلوبل کا مپیکٹ سسٹینیبلٹی ایوارڈ برائے 2018 کے بڑے قومی زمرے میں پہلا انعام حاصل کرلیا۔ کمپنی کویہ ایوارڈ 7جنوری کو منعقد ہونے والے کاروباری استحکام موٹ اور گلوبل کا مپیکٹ بیسٹ پریکٹسس سٹینیبلٹی ایوارڈ کی تقریب میں دیا گیا۔ یہ ایوارڈ کارپوریٹ گورننس انسانی حقوق مزدور کے حقوق ماحول اور انسداد بدعنوانی کے حوالے سے وضع کئے گئے۔ یو این جی سی کے اصولوں اور یو این ڈی پی پائیداری کے مقاصد پر عملدرآمد کے اینگرو کے مسلسل عزم کی طرف اشارہ کرتا ہے۔ اس موقع پر فواد سومرو نے کہا کہ اقوام متحدہ کی جانب سے ہماری کوششوں کو تسلیم کرنا ہمارے لئے باعث فخر ہے۔