کئی علاقوں میں بوندا باندی سے موسم سرد

کراچی(مانیٹرنگ ڈیسک)شہر میں موسم سرما کی پہلی بارش ہوئی۔ناظم آباد، اورنگی ٹاؤن ، بلدیہ ٹاؤن ، ایف بی ایریا کے بعض علاقوں میں ہلکی بارش کے بعد شہر کا موسم قدرے سرد ہو گیا۔کئی علاقوں میں پھوار پڑی جب کہ زیادہ ترعلاقوں میں موسم ابر آلود ہے۔محکمہ موسمیات کی جانب سے گزشتہ روز بارش کی پیشگوئی کی گئی تھی، تاہم دن بھر ابر اور دھوپ چھاؤں کا سماں رہا، تاہم رات گئے قدرے خنکی بڑھ گئی۔محکمہ موسمیات کے مطابق اسلام آباد، راولپنڈی اور کوئٹہ سمیت مختلف شہروں میں بارش کا نیا سلسلہ شروع ہوگیا۔