حامد اسرار گل نے ایشیا انڈر 14 جونیئر ٹینس ٹائٹل جیت لیا
بنکاک(امت نیوز) پاکستانی کھلاڑی حامد اسرار گل نے آئی ٹی ایف ایشیا انڈر 14 جونیئر ٹینس چیمپئن شپ میں ڈبلز ٹائٹل جیت لیا۔ تھائی لینڈ میں منعقدہ چیمپئن شپ میں ہفتے کو کھیلے گئے بوائز انڈر 14 ڈبلز ایونٹ کے فائنل میں پاکستان کے حامد اسرارگل نے اپنے بنگلہ دیشی جوڑی دار حسین محمد رومان کے ہمراہ شاندار کھیل پیش کرتے ہوئے عامر علی اور کیسرا رحمانی پر مشتمل ایرانی جوڑی کو سٹریٹ سیٹس میں 6-2 اور 6-1 سے زیر کر کے ٹائٹل جیتنے کا اعزاز حاصل کیا۔
