بینک الحبیب گالف ٹورمنٹ میںمطلو ب احمد چھاگئے

کراچی(اسپورٹس رپورٹر) بینک الحبیب کے آٹھویں رشید ڈی حبیب میموریل نیشنل پروفیشنل گولف ٹورنامنٹ 2019 کا تیسرا رائونڈ بروز ہفتہ 12 جنوری کراچی گولف کلب میں کھیلا گیا۔ لاہور جمخانہ کے مطلوب احمد نے آج 69 کے اسکور پر 3 انڈر پار کے ساتھ پہلی پوزیشن برقرار رکھی۔ ان کاتین دن کا مجموعی اسکور 203 کے ساتھ 13 انڈر پار ہے۔ اسلام آباد کے حمزہ امین 68 – 4 انڈر پار کے ساتھ دوسری پوزیشن پر ہیں۔ پشاور کے محمد نعیم نے آج اچھے کھیل کا مظاہرہ کرتے ہوئے -67 5 انڈر پار کے ساتھ تیسری پوزیشن حاصل کر لی۔ گزشتہ سال کے دفاعی چیمپین شبیر اقبال آج چوتھی پوزیشن حاصل کرنے میں کامیاب ہوگئے۔ کراچی گولف کلب کے وحید بلوچ آج چھٹی پوزیشن پر ہیں۔ دو روزہ کٹ کے بعد آج 46 گولفرز نے مقابلے میں حصہ لیا اور کراچی گولف کلب کے سبرہ زار پر بہترین حد نگاہ میں کھیلے۔