تیز رفتار گاڑیوں کی ٹکر سے سڑک عبور کرنیوالے 2 افراد جاں بحق

کراچی ( اسٹاف رپورٹر )لانڈھی اور میمن گوٹھ میں تیز رفتار گاڑیوں کی ٹکر سے سڑک عبور کرنے والے 2 افراد جاں بحق ہوگئے ۔تفصیلات کے مطابق لانڈھی بابر مارکیٹ کے قریب سڑک عبور کرتے ہوئے تیز رفتار گاڑی کی زد میں آکر ایک شخص جاں بحق ہوگیا،جسے فوری طور پر اسپتال پہنچایا گیا۔پولیس کا کہنا ہے کہ متوفی کی شناخت 65سالہ ادریس کے نام سے ہوئی ہے ۔وہ اسی علاقے کا رہائشی تھا۔ میمن گوٹھ میں تیز رفتاری گاڑی نے سڑک عبور کرنے والے شخص کو ٹکر مار جاں بحق کردیا۔ متوفی کی شناخت 60 سالہ ابراہیم ولد یعقوب کے نام سے ہوئی ، متوفی میمن گوٹھ کا رہائشی تھا ۔