پی ایس ایل ٹی وی ویورشپ بڑھا دی گئی

کراچی (امت ویب )پی ایس ایل ٹی وی ویورشپ بڑھا دی گئی۔کئی ممالک میں لائیو میچ دکھایا جائیگا-تفصیلات کے مطابق بھارت میں ڈسکوری اسپورٹس انڈیا کا چینل ڈی اسپورٹس(DSport) نشریات پیش کرے گا۔ یہی چینل ، نیپال، مالدیپ اور بھوٹان کے شائقین کے لیے بھی پی ایس ایل 2019 براہ راست نشر کرے گا۔غازی ٹی وی (Gazi TV) بنگلادیش میں پی ایس ایل کے میچز نشر کرے گا۔ جبکہ پرائم ٹی وی (یو کے) برطانیہ میں ، ڈائیلاگ ٹی وی سری لنکا میں ، سپر اسپورٹس(ساؤتھ افریقا)، ویلو ٹی وی (امریکہ )، او ایس این کرکٹ (OSN Cricket HD TV) اور یپ ٹی وی (Yupp TV) مشرق وسطیٰ اور شمالی افریقی ممالک میں پی ایس ایل کے میچز نشر کریں گے۔ میچز پاکستانی وقت کے مطابق شام 5 اور رات 9:30 بجے کھیلے جائیں گے۔ٹورنامنٹ کے ابتدائی 26 میچز متحدہ عرب امارات جبکہ آخری 8 میچز کراچی اور لاہور میں کھیلیے جائیں گے جبکہ فائنل کراچی میں ہوگا۔