پولیس نے سندھ بھر میں چھاپوں میں 3060ملزم گرفتار کئے

کراچی(اسٹاف رپورٹر) ترجمان سندھ پولیس کے مطابق گزشتہ دو ہفتہ کے دوران جرائم کےخلاف کی جانیوالی چھاپہ مار کاروائیوں پولیس مقابلوں سمیت علاقہ گشت ،پکٹنگ جیسے اقدامات کی بدولت سندھ پولیس نے594مفرور اور 399 اشتہاریوں و دیگر2067ملزمان سمیت مجموعی طورپر3060ملزمان کو گرفتارکر لیا گیا۔ کراچی پولیس نے جرائم کےخلاف کی جانیوالی چھاپہ مار کاروائیوں کے دوران70مفرور، 04 اشتہاری و دیگر 1401ملزمان سمیت مجموعی طور پر 1475ملزمان کورنگے ہاتھوں گرفتارکیا جن کے قبضے سے اسلحہ و ایمونیشن برآمد ہوا۔ حیدر آباد سےمجموعی طور پر 494،میرپور خاص سے73،شہید بینظیرآباد سے 103،سکھرسے 260،اور لاڑکانہ سے مجموعی طور پر 655ملزمان کورنگے ہاتھوں گرفتار کرتے ہوئے اسلحہ و ایمونیشن برآمد کیا۔ ترجمان سندھ پولیس کےمطابق گرفتار ملزمان سے متعلقہ پولیس کی تفتیش جاری ہے جبکہ انکے دیگر ساتھیوں اور گروہوں کی گرفتاری کے سلسلے میں پولیس کی خصوصی ٹیمز کو ٹاسک دے دیا گیا ہے۔