قومی ہاکی ٹیم کے انتخاب کیلئے ٹرائلز آج سے شروع
لاہور(اسپورٹس رپورٹر ) قومی ہاکی ٹیم کے انتخاب کے لئے دو روز ہ ٹرائلز آج جمعہ کے روز سے نیشنل ہاکی سٹیڈیم لاہور میں ہوں گے ۔منتخب ٹیم دنیا کے مختلف ممالک میں ہونے والے پرو ہاکی لیگ میں شرکت کرے گی ۔پی ایچ ایف کے ترجمان راجہ محسن کا کہنا ہے کہ ٹرائلز نیشنل ہاکی سٹیڈیم میںآج 18اورکل 19جنوری کو دوپہر کو منعقد ہوں گے ۔ٹرائلز میں بہترین پرفارمنس اور فٹنس دکھانے کے لئے نیشنل ہاکی سٹیڈیم میں جاری تربیتی کیمپ میں کھلاڑیوں نے سخت محنت شروع کردی ہے ۔
