کراچی کی روشنیاں واپس لوٹائیں گے- اسپیکر اسد قیصر

کراچی (اسٹاف رپورٹر) قومی اسمبلی کے اسپیکر اسد قیصر نے کہا ہے کہ کراچی کے لیے بڑا تحفہ آ رہا ہے۔ شہر میں پانی کے مسائل کو حل کرنے کے لیے کوششیں جاری ہیں، کراچی والوں نے ہم پر جو اعتماد کیا ہے اس پر پورا اتریں گے اور کراچی کی رشنیاں واپس لوٹائیں گے۔ میڈیا سے گفتگو کرتے ہوئے انہوں نے کہا کہ اسمبلیاں اپنی مدت پوری کریں گی، اٹھارویں ترمیم کو ختم کرنے کا کوئی ارادہ نہیں، مزید بہتری کی ضرورت پڑی تو کریں گے۔اسپیکر قومی اسمبلی کا مزید کہنا تھا کہ ساہیوال واقعہ افسوسناک ہے، اس کی مذمت کرتے ہیں۔ انہوں نے کہا کہ ہم سب اٹھارویں ترمیم کے حق میں ہیں، ٹی وی پر چلنے والی خبروں کا حقیقت سے تعلق نہیں، جس کے پاس جو مینڈیٹ ہے اس کا احترام کرنا چاہیے۔