یونانی پلیئر آسٹریلین اوپن ٹینس کے فائنل میں پہنچ گیا

میلبورن (اسپورٹس ڈیسک) میگا ایونٹ کے پری کوارٹر فائنل میچ میں سوئس سٹار راجر فیڈرر کو شکست دینے والے یونانی کھلاری سٹیفانوس اپنیفتوحات برقرار رکھتے ہوئے سال کے پہلے گرینڈ سلام ٹینس ٹورنامنٹ آسٹریلین اوپن مینز سنگلز سیمی فائنل میں پہنچ گئے۔ انہوں نے اس سے قبل مینز سنگلز پری کوارٹر فائنل میں غیرمعمولی کارکردگی کا مظاہرہ کرتے ہوئے ریکارڈ 20مرتبہ کے گرینڈ سلام چیمپئن اور سوئس سٹار راجر فیڈرر کو اعصاب شکن مقابلے کے بعد اپ سیٹ شکست دے کر ایونٹ سے باہر کر دیا تھا اور میگا ایونٹ کے کوارٹر فائنل تک رسائی حاصل کی تھی۔ منگل کو آسٹریلیا میں جاری میگا ایونٹ میں کھیلے گئے کوارٹر فائنلز میں سٹیفانوس نے عمدہ کارکردگی کا مظاہرہ کرتے ہوئے حریف ہسپانوی کھلاڑی روبرٹو باٹیسٹا اگٹ کو سخت مقابلے کے بعد 7-5، 4-6، 6-4 اور 7-6 (7-2) سے زیر کر کے آسٹریلین اوپن کا سیمی فائنل کھیلنے کا اعزاز حاصل کرلیا۔ دونوں کھلاڑیوں کے درمیان تین گھنٹے اور 15 منٹ تک مقابلہ جاری رہا۔