دبئی میں پی ایس ایل ٹکٹ کی ان لائن فروخت شروع

دبئی(خبر ایجنسی ) پاکستان سپر لیگ سیزن فور کی افتتاحی تقریب اور دبئی میں ہونے والے میچز کی ٹکٹیں فروخت کے لیے پیش کردی گئیں۔تفصیلات کے مطابق پاکستان سپر لیگ کے چوتھے ایڈیشن کی افتتاحی تقریب چودہ فروری کو رات آٹھ بجے دبئی میں ہوگی، جس کے لیے ٹکٹیں فروخت لیے پیش کردی گئیں۔پاکستان سپر لیگ کی سپر ڈوپر افتتاحی تقریب کی ٹکٹوں کی قیمت بیس درہم سے دو سو نوے درہم تک رکھی گئی ہے، دبئی میں ہونے والے میچز کی ٹکٹ بھی آن لائن خریدے جاسکتے ہیں۔پاکستان سپر لیگ کے ٹکٹس کیو ٹکٹ ڈاٹ کام پر دستیاب ہیں۔ پاکستان سپر لیگ کی ستاروں سے سجی افتتاحی تقریب چودہ فروری کو رات آٹھ بجے دبئی میں ہوگی۔ پی ایس ایل فور کے متبادل کھلاڑی کے انتخاب کے لیے ڈرافٹنگ چوبیس جنوری کو قذافی اسٹیڈیم لاہور میں ہوگی۔ڈرافٹنگ میں سابق آسٹریلوی کپتان اسٹیو اسمتھ کے متبادل کا بھی انتخاب کیا جائے گا، تمام فرنچائز اپنے اکیسویں کھلاڑی کا انتخاب بھی کریں گی۔