سوشل میڈیا پر سرفراز احمد پر شدید تنقید
کراچی (امت نیوز) پاکستان کرکٹ ٹیم کے کپتان سرفراز احمد جنوبی افریقا کیخلاف5 ون ڈے میچز کی سیریز کے دوسرے میچ میں شکست کو سامنے دیکھ کر آپے سے باہر ہوگئے۔میڈیا رپورٹ کے مطابق سوشل میڈیا پر میچ کے حوالے سے ایک ویڈیو گردش کررہی ہے جس میں مبینہ طور پر سرفراز احمد جنوبی افریقا کے سیاہ فام کھلاڑی اینڈائل پھیل کوایو کے حوالے سے تضحیک آمیز جملے ادا کررہے ہیں۔دوسرے ون ڈے میچ کے دوران سرفراز احمد شدید مایوسی کا شکار نظر آئے، سرفراز کے جنوبی افریقی کرکٹر کے بارے میں مبینہ طور پر نسلی تعصب پر مبنی فقرے نے سوشل میڈیا پر تنازع کھڑا کردیا ہے۔
