آسٹریلین اوپن فائنل-نڈال کا سامنا یونانی حریف سے ہوگا

میلبورن (اسپورٹس ڈیسک) اسپین کے بین الاقوامی شہرت یافتہ ٹینس سٹار اور عالمی نمبر دو رافیل نڈال اور یونانی ٹینس کھلاڑی سٹیفانوس کے درمیان آسٹریلین اوپن ٹینس ٹورنامنٹ مینز سنگلز کا پہلا سیمی فائنل میچ (آج) جمعرات کو کھیلا جائیگا۔ دونوں کھلاڑیوں نے سیمی فائنل میں کامیابی کے لئے بیانات دیئے ہیں اور توقع کی جارہی ہے کہ دونوں کھلاڑیوں کے درمیان سیمی فائنل میچ کانٹے دار ہوگا۔ ہنگری کی تیمیا بابوس اور انکی فرنچ جوڑی دار کرسٹینا ملاڈینوویک نے پیش قدمی کے تسلسل کو برقرار رکھتے ہوئے سال کے پہلے گرینڈ سلام ٹینس ٹورنامنٹ آسٹریلین اوپن ویمنز ڈبلز فائنل میں جگہ بنا لی۔ بدھ کو آسٹریلیا میں جاری ویمنز ڈبلز سیمی فائنل میں تیمیا بابوس اور کرسٹینا ملاڈینوویک نے عمدہ کارکردگی کا مظاہرہ کرتے ہوئے امریکا کی جینیفر براڈے اور ان کی ہم وطن جوڑی دار الیسن ریسکی کو سٹریٹ سیٹس میں 6-4 اور 6-2 سے شکست دئ۔