پاکستان اور پروٹیز کے درمیان فیصلہ کن ون ڈے کل ہوگا

کیپ ٹاؤن (اے پی پی) جنوبی افریقہ اور پاکستان کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا آخری اور فیصلہ کن میچ (کل) بدھ کو کیپ ٹاؤن میں کھیلا جائے گا۔ پانچ میچوں کی سیریز 2-2 سے برابر ہے۔ پاکستان اور جنوبی افریقہ کی کرکٹ ٹیموں کے درمیان 1992ء سے لے کر اب تک 77 ون ڈے انٹرنیشنل میچزکھیلے گئے جن میں سے27 میچ پاکستان نے جیتے، جبکہ 49 میچ جنوبی افریقہ نے جیتے اور ایک میچ بے نتیجہ رہا۔ پاکستان کی کامیابی کاتناسب 35.52 فیصد اورجنوبی افریقہ کی کامیابی کا تناسب 64.47 فیصدہے۔جبکہ جنوبی افریقہ میں پاکستان اورجنوبی افریقہ کی ٹیموں کے مابین1993ء سے27جنوری2019تک33ون ڈے میچزکھیلے گئے جن میں سے12میچ پاکستان نے جیتے،20میچ جنوبی افریقہ نے جیتے اورایک میچ غیرفیصلہ کن رہا۔جنوبی افریقہ میں پاکستان کی کامیابی کاتناسب37.50فیصداورجنوبی افریقہ کی کامیابی کاتناسب62.50فیصدہے۔