سری لنکا کو کلین سویپ کرینگے- پیٹ کمنز

کینبرا (امت نیوز) آسٹریلوی کرکٹ ٹیم کے مایہ ناز فاسٹ بائولر پیٹ کمنز نے کہا ہے کہ ان کی ٹیم دوسرے ٹیسٹ میچ میں بھی مہمان ٹیم کو شکست دیکر سیریز کلین سویپ کرے گی۔ انہوں نے کہا کہ وہ مکمل طور پر فٹ اور بھر پور فارم میں ہیں اور آئی لینڈرز کے خلاف سیریز کے دوسرے اور آخری میچ میں شرکت کے لئے بے تاب ہیں۔ اپنے ایک بیان میں پیٹ کمنز نے کہا کہ وہ سری لنکا کے خلاف سیریز کے ابتدائی میچ میں اپنی کارکردگی سے مطمئن ہیں۔ انہوں نے کہا کہ وہ دوسرے میچ میں بھی شاندار کارکردگی کا مظاہرہ کرتے اپنی ٹیم کی کامیابی میں اہم کردار ادا کرینگے۔