فاف ڈوپلیسی پاکستان کیخلاف ٹی ٹوئنٹی سیریز سے باہر

جوہانسبرگ(امت نیوز)جنوبی افریقن ٹیم کے کپتان فاف ڈوپلیسی اور وکٹ کیپر بلے باز کوئنٹن ڈی کوک پاکستان کے خلاف رواں ٹی ٹونٹی انٹرنیشنل کرکٹ سیریز کے آخری دو میچز سے باہر ہو گئے، ڈی کوک انجری مسائل کے باعث اور ڈوپلیسی آرام کی غرض سے ٹیم کو دستیاب نہیں ہوں گے، ڈی کوک کی جگہ کیپ کوبراز کے بلے باز جین مان میلان کو سکواڈ میں طلب کر لیا گیا ہے۔ جنوبی افریقہ اور پاکستان کی ٹیمیں دوسرے ٹی ٹونٹی میچ میں (آج)اتوار کو آمنے سامنے ہوں گی، پروٹیز کو تین میچوں کی سیریز میں 1-0 کی برتری حاصل ہے۔