کینگروز کے دیس میں لنکن ٹائیگرز کا برا حال

کینبرا (امت نیوز) آسٹریلیا نے کینبرا ٹیسٹ میں سری لنکا کو 366 رنز سے ہرا کر دو ٹیسٹ کی سیریز میں کلین سوئپ کر دیا۔ آسٹریلوی دارالحکومت کیبرا میں جیت کیلئے سری لنکن ٹیم کے سامنے 516 رنز کا پہاڑ جیسا ہدف تھا، تاہم 17 رنز بغیر کسی نقصان سے ٹیم نے چوتھے دن کا کھیل شروع کیا۔ مچل اسٹارک اور کیمنز نے مہمان کھلاڑیوں کو زیادہ مہلت ہی نہ دی اور پے در پے وار کرکے لنکن بیٹنگ لائن کی کمر توڑ دی، جبکہ سری لنکا کی پوری ٹیم صرف 149 رنز پر ڈھیر ہوگئی۔ سری لنکا کے مینڈس 42 اور تھریمانے 30 رنز کے ساتھ نمایاں رہے۔ آسٹریلوی بولر کمینز نے 3 کھلاڑیوں کو آوئٹ کیا، مچل اسٹارک نے دوسری اننگز میں بھی 5 اور میچ میں 10 وکٹیں حاصل کیں۔ 366 رنز کی فتح کے ساتھ میزبان آسٹریلیا نے دو ٹیسٹ کی سیریز بھی دو صفر سے جیت لی۔
٭٭٭٭٭