بھارت 2019 ورلڈکپ کا مضبوط ترین امیدوار

نئی دہلی (اسپورٹس ڈیسک)بھارت کے مایہ ناز بلے باز سچن ٹنڈولکر نے کہا ہے کہ بھارت تیسری بار 2019 کا ورلڈ کپ جیتنے کیلئے فیورٹ ہے۔ ایک انٹرویو کے دور ان انہوںنے کہاکہ جہاں تک ہمارے امکانات ہیں، مجھے یہ کہنے میں کوئی حرج نہیں کہ ہم ورلڈ کپ جیتنے کیلئے فیورٹ ہیں۔انہوںنے کہا کہ میں ریکارڈ پر کہہ رہا ہوں کہ ہم ٹیم میں بہترین توازن رکھتے ہیں جہاں ہم دنیا کے کسی بھی حصے اور کسی بھی سطح پر مقابلہ کریں گے۔ٹنڈولکر نے کہا کہ انگلینڈبھارت کو سخت ترین چیلنج دیگا جبکہ بھارت کے خلاف کھیلی جانے والی ہوم سیریز 4-1 سے ہارنے کے باوجود نیوزی لینڈ کی ٹیم کی کارکردگی بھی دیکھنے کے لائق ہو گی۔ٹنڈولکر نے کہاکہ میں جانتا ہوں کہ نیوزی لینڈ نے بھارت کے خلاف کھیلی جانے والے حالیہ سیریز میں جدوجہد کی ہےاور ان کے خلاف کھیلنے والی کسی بھی ٹیم کو سخت محنت کرنی پڑتی ہے۔