ٹینس اسٹار ثانیہ مرزا کی زندگی پر فلم بنانے کی تیاریاں

ممبئی (امت نیوز) بھارتی ٹینس اسٹار اورپاکستانی کرکٹر شعیب ملک کی اہلیہ ثانیہ مرزا کی زندگی پر فلم بنانے کی تیاریاں مکمل کرلی گئیں۔ٹینس اسٹار ثانیہ مرزا کی زندگی پر بننے والی فلم کی عکس بندی کا آغاز جلدکر دیا جائے گا۔6 گرینڈ سلام ڈبلز ٹائٹل جیتنے والی ٹینس اسٹار ثانیہ مرزا کی سوانح حیات پہلے ہی منظرعام پر آچکی ہے، اب پروڈیوسر رونی اسکریو والا نے کئی ماہ تک رابطوں کے بعد معاملات طے کر لیے ہیں۔فلم میں ثانیہ مرزا کی جدوجہد، کیریئر میں اتارچڑھا اور شعیب ملک سے شادی سمیت مختلف حقیقتوں کو عکس بند کیا جائے گا۔