رومان رئیس جاندار واپسی کیلئے پرامید

کراچی(امت نیوز) قومی کرکٹر رومان رئیس نے کہا ہے کہ پچھلا ایک سال میرے کیریئر کا برا وقت تھا جو گزر چکا لیکن اب پی ایس ایل 4 کے لیے کافی پر جوش ہوں۔پی ایس ایل 4 کے لیے کراچی سے دبئی روانگی سے قبل رومان کا کہنا تھا کہ پی ایس ایل میں اچھا پرفارم کر کے پاکستان ٹیم میں جگہ بنانے کی کوشش کروں گا،پھونک پھونک کر قدم رکھ رہا ہوں، ابھی تمام تر توجہ پی ایس ایل پر مرکوز ہے۔ پی ایس ایل فورکے لیے نیا ہیئر اسٹائل بنایا ہے، امید ہے میرے پرستاروں کو پسند آئے گا۔