پی سی بی کا نسلی تعصب کوڈ قابل تحسین ا قدام ہے- صادق محمد

لاہور(اسپورٹس ڈیسک)سابق ٹیسٹ کرکٹر صادق محمد نے کہا ہے پی سی بی کی طرف سے نسلی تعصب کے بارے میں کوڈ بنانا قابل تحسین ا قدام ہے تاہم اسے بہت پہلے بنایا جانا چاہئے تھا ۔اے پی پی سے گفتگو کرتے ہوئے انہوں نے کہاکہ پی سی بی کو سرفراز احمد کو سزا ملنے کے بعد کوڈ آف کنڈیکٹ بنانے کا خیال آیا،اگر پی سی بی پہلے ہی کوڈ بنالیتا تو شاید سرفراز احمد نسلی تعصب کے کلمات کہنے سے گریز کرتے،دیر آید درست آید کے مصداق پی سی بی کا یہ اچھا قدم ہے اور اس کے نفاذ سے کھلاڑی نسلی تعصب کے بیانا ت دینے سے گریز کریں گے ۔
٭٭٭٭٭