پی ایس ایل کیلئے کراچی میں سرچ آپریشن کا آغاز

کراچی(خبر ایجنسی)کراچی میں پی ایس ایل فور کے میچز شروع ہونے سے قبل سیکورٹی پلان کے تحت ماضی میں کرمنلز ریکارڈ رکھنے والوں اور مشکوک افراد کی پکڑ دھکڑ شروع کر دی گئی۔ ہفتے کی صبح شہر کے مختلف علاقوں میں ہوٹلوں اور گیسٹ ہاوسز میں سرچ آپریشن کے دوران مشکوک افراد کو حراست میں لیا گیا تھا جنہیں پوچھ گچھ کے بعد رہا کر دیا گیا۔ تفصیلات کے مطابق پیر کی صبح نیپئر پولیس کی بھاری نفری نے علاقے میں قائم ہوٹلوں میں سرچ آپریشن کے دوران کمروں کی تلاشی لی اور مسافروں کے کوائف چیک کیے، تاہم کسی اہم ملزم کی گرفتاری عمل میں نہیں آسکی۔ صدر کے اطراف میں اور ریگل چوک کے قریب گلیوں میں واقع چھوٹے مسافر ہوٹلوں میں بھی سیکورٹی اداروں نے سرچ آپریشن کے دوران وہاں ٹھہرے ہوئے مسافروں کے کوائف چیک کیے جبکہ نرسری، ڈیفنس، گلشن اقبال اور اطراف کے علاقوں میں واقع بنے ہوئے نجی گیسٹ ہاوسز میں بھی سیکورٹی اداروں، پولیس اور رینجرز نے چیکنگ کی۔
٭٭٭٭٭