رستم پاکستان دنگل لاہو ر سے فیصل آباد منتقل

لاہور(امت نیوز) پاکستان سپر لیگ کی وجہ سے رستم پاکستان دنگل فائنل کی میزبانی لاہور کے بجائے فیصل آباد کرے گا۔سیکریٹری ارشد ستار نے ایک بیان میں بتایا کہ اب محمد انعام بٹ گوجرانوالہ اورحامد خان ملتانی پہلوان کے درمیان ٹائٹل فائٹ یکم مارچ کو اقبال اسٹیڈیم میں ہوگی ،جس کے لیے تیاریاں شروع کردی گئی ہیں۔انہوں نے مزید بتایا کہ پہلے پنجاب اسٹیڈیم لاہور میں یہ فائنل فائٹ کروانا چاہتے تھے لیکن لاہور میں پی ایس ایل کے انتظامات کی وجہ سے اس کو فیصل آباد منتقل کردیا۔
٭٭٭٭٭