پنجاب پولو کپ باڑیز کلب نے جیت لیا

لاہور (اسپورٹس رپورٹر) لاہور پولو کلب کے زیراہتمام چیپٹر ٹو پنجاب پولو کپ 2019ء ٹورنامنٹ باڑیز نے جیت لیا۔ فائنل میں دلچسپ مقابلے کے بعد نیوایج/ڈائمنڈ پینٹس کو 10-5 سے ہرا دیا۔ ادھر سب سڈری فائنل میں ماسٹر پینٹس بلیک نے پی آرایونٹ پلانر /مومن گھی کو 8-4 سے ہرا دیا۔ اس موقع پر مہمان خصوصی صوبائی وزیر سکولز ایجوکیشن مراد راس ، چیپٹر ٹو کے چیف مارکیٹنگ آفیسر محمد عثمان، چیف کمرشل آفیسر سمیع کشمیری، لاہور پولو کلب کے صدر ملک عاطف یار ٹوانہ، ایگزیکٹو کمیٹی ممبر عمر سعید نیازی، عثمان حئی ، ثاقب خان خاکوانی، ممبرز سردار محسن عطاء خان کھوسہ، فیملیز اور بچوں کی بڑی تعداد بھی موجود تھی۔
٭٭٭٭٭