ہملٹن ٹیسٹ میں بنگالی ٹیم پھنس گئی

ہملٹن (اسپورٹس ڈیسک) تمیم اقبال کی سنچری کی بدولت بنگلہ دیش کی ٹیم ہملٹن ٹیسٹ میچ کے پہلے روز اپنی پہلی اننگز میں 234 رنز بناکر آئوٹ ہوگئی، تمیم اقبال 126 رنز بناکر نمایاں رہے، یہ انکے ٹیسٹ کیریئر کی نویں سنچری تھی، بنگلہ دیش کے پانچ کھلاڑی دوہرا ہندسہ بھی عبور نہ کرسکے، نیوزی لینڈ کی طرف سے عمدہ بائولنگ کا مظاہرہ کرتے ہوئے نیل واگنر نے 5، ٹم سائوتھی نے 3 جبکہ ٹرینٹ بولٹ اور گرینڈہوم نے ایک ایک کھلاڑی کو آئوٹ کیا۔ نیوزی لینڈکی ٹیم نے جواب میں میچ کے پہلے روز کھیل ختم ہونے تک بغری کسی نقصان کے 86 رنز بنالئے اور اسکو بنگلہ دیش کی اننگز کا سکور برابر کرنے کے لئے مزید 148 رنز کی ضرورت تھی جبکہ اسکی 10 وکٹیں ابھی باقی تھیں۔ نیوزی لینڈ کے جیت راوال ناقابل شکست 51 اور ٹام لیتھم 35 رنز کے ساتھ ناٹ آئوٹ تھے۔ جمعرات کو دونوں ٹیموں کے درمیان ہملٹن میں پہلا ٹیسٹ میچ شروع ہوا تو کیوی ٹیم کے کپتان کین ولیمسن نے ٹاس جیت کر پہلے فیلڈنگ کا فیصلہ کیا۔
٭٭٭٭٭