انگلینڈ کیربین میدانوں میں فتح کیلئے پُر امید

سینٹ لوسیا (اے پی پی) ویسٹ انڈیز اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا پانچواں اور آخری میچ (آج) ہفتہ کو سینٹ لوسیا میں کھیلا جائے گا۔ انگلینڈ کو پانچ ون ڈے میچوں کی سیریز میں میزبان ٹیم کے خلاف 2-1 کی برتری حاصل ہے۔ انگلینڈ کی ٹیم نے ویسٹ انڈیز کو پہلے ون ڈے میچ میں 6 وکٹوں سے شکست دی تھی۔ میزبان ٹیم نے دوسرے میچ میں شاندار کم بیک کرتے ہوئے انگلینڈ کو 26 رنز سے شکست دی تھی جبکہ دونوں ٹیموں کے درمیان سیریز کا تیسرا میچ بارش کی نذر ہوگیا تھا۔ چوتھے میچ میں انگلنیڈ نے میزبان ٹیم کو 29 رنز سے شکست دی تھی۔ اس سے قبل میزبان ٹیم نے انگلش ٹیم کو تین ٹیسٹ میچوں کی سیریز میں 2-1 سے شکست دی تھی۔ انگلینڈ کی ٹیم ون ڈے سیریز میں میزبان ٹیم کو بدلہ چکانے کے لئے پرعزم ہے، دوسری جانب میزبان ٹیم ون ڈے سیریز کا پانچواں اور آخری میچ جیت کر سیریز 2-2 سے برابر کرنے کے لئے پرامید ہے۔
٭٭٭٭٭