جنوبی افریقہ نے سری لنکا کو شکست دیدی

جوہانسبرگ (اسپورٹس ڈیسک)جنوبی افریقہ نے ایک روزہ سیریز کے دوسرے میچ میں سری لنکا کو 113 رنز کے واضح مارجن سے شکست دے کر 5 میچوں کی سیریز میں 2-0 کی برتری حاصل کرلی۔سری لنکا کے کپتان لاستھ ملنگا نے سنچورین میں ٹاس جیت کر میزبان جنوبی افریقہ کو پہلے بیٹنگ کی دعوت دی تو کوئنٹن ڈی کوک اور ہینڈرکس نے 91 رنز کا شاندار آغاز فراہم کرکے ان کی حکمت عملی کو ناکام بنا دی۔ہینڈرکس نے 41 گیندوں میں صرف 29 رنز بنائے تھے تاہم ڈی کوک نے جارحانہ کھیل کا مظاہرہ کرتے ہوئے 17 چوکوں اور ایک چھکے کی مدد سے صرف 70 گیندوں میں 94 رنز بنائے تاہم وہ اپنی سنچری مکمل نہ کرپائے اور پریرا کی گیند پر آوٹ ہوگئے۔کپتان فاف ڈیوپلیسی نے بھی ذمہ دارانہ بلے بازی کا مظاہر کرتے ہوئے 57 رنز بنائے اور پریرا نے ان کی وکٹیں اڑا دیں جس کے بعد ڈیوڈ ملر 25 رنز بنا سکے لیکن دیگر بلے باز مہمان باولرز کا ڈٹ کر مقابلہ نہ کرسکے۔سری لنکا کے باولرز نے ڈی کوک اور ڈیوپلیسی کی جانب سے بہترین آغاز کو اپنے حق میں بدل کر نسبتا ایک چھوٹے مجموعے تک محدود رکھا۔
٭٭٭٭٭