نیشنل اسٹیڈیم کی تیاریاں مکمل ہوگئیں

کراچی(امت نیوز) پاکستان سپر لیگ میچوں کی میزبانی کے لیے نیشنل اسٹیڈیم کی تیاریاں مکمل ہوگئیں۔ براڈ کاسٹرز نے اسپائیڈر کیم نصب کر دیے۔ چوکوں چھکوں کی برسات دیکھنے کیلئے باؤنڈری کو چھوٹا کر دیا گیا۔نیشنل اسٹیڈیم کراچی میں ایچ بی ایل پی ایس ایل کا میلہ شروع ہونے کا وقت قریب آ گیا۔ نئی چھتوں کی تنصیب کے بعد اسٹیڈیم نئے رنگ و روپ میں دکھائی دے رہا ہے۔ غیرملکی اسٹاف اسپائیڈر کیم اور براڈ کاسٹنگ سامان کی تنصیبمیں مصروف ہے۔اسپائیڈر کیم پہلی مرتبہ کراچی میں استعمال ہوگا جس سے بین الاقوامی معیارکی پروڈکشن ٹی وی اسکرین پر نظرآئے گی۔باؤنڈری کو 70 گز سے چھوٹا کرکے65 گز کا کردیا گیا۔
٭٭٭٭٭