برطانوی اسپورٹس کانفرنس میں پاکستانی نژاد باکسنگ پروموٹر اسد شمیم بطور مہمان مدعو

کراچی (امت نیوز) پریمیئر اسپورٹس نیٹ ورک نے لندن میں 19 مارچ کو ہونے والی ’’فنانس ان اسپورٹس کانفرنس‘‘ میں پاکستانی نژاد تاجر اور باکسنگ پروموٹر اسد شمیم کو مہمان خصوصی کے طور پر مدعو کیا ہے۔ مہمانوں کی فہرست میں صرف تین مسلم شخصیات کے نام شامل کئے گئے ہیں، جن میں فرنیچر ان فیشن کے بانی اسد شمیم نمایاں ہیں۔ برطانیہ میں اپنے آبائی ملک کا سبز ہلالی پرچم بلند کرنے والے اسد شمیم ایک پاکستانی نڑاد باکسر محمد علی کے منیجر بھی ہیں۔ اسد شمیم کی خدمات کے اعتراف میں انہیں اہم اسپورٹس کانفرنس میں خاص طور پر مدعو کیا گیا ہے۔
٭٭٭٭٭