فیفا درجہ بندی میں فرانس کی بالادستی

میڈرڈ(امت نیوز)فیفا رینکنگ میں ورلڈ کپ کی فاتح ٹیم فرانس نمبر ون بن گیا جبکہ میگا ایونٹ میں ناقص کارکردگی پر جرمنی اور ارجنٹائن ٹاپ 10 سے باہر ہو گئی ہیں۔فیفا ورلڈ کپ 2018میں دفاعی چیمپئن کی حیثیت سے شرکت کرنے والی جرمن ٹیم ناک آئوٹ رائونڈ میں رسائی حاصل نہیں کر پائی تھی۔ جرمنی 14درجے تنزلی کے ساتھ 15 ویں نمبر پر آ گیا ہے، ارجنٹائن کی ٹیم بھی تنزلی کے ساتھ 11ویں نمبر پر آ گئی ہے۔رپورٹ کے مطابق ٹاپ پانچ ٹیموں میں بالترتیب ورلڈ چیمپئن فرانس، بیلجیم، برازیل، ورلڈ کپ کی رنرز اپ کروشیا اور یوراگوئے شامل ہیں۔ سیمی فائنل میں رسائی پانے والی انگلش ٹیم چھٹے نمبر پر آ گئی ہے۔ پرتگال 7ویں، سوئٹزر لینڈآٹھویںویں۔اسپین نو یں اورڈنمارک دسویں نمبر پر موجود ہے۔