والی بال میں پاکستان کا منگولیا کیخلاف فاتحانہ آغاز
جکارتہ(امت نیوز) ایشین گیمز مینز والی بال ایونٹ میں پاکستان نے منگولیا کو ہرا کر فاتحانہ آغاز کیا۔ گرین شرٹس کو (آج) بدھ کو ایران کا چیلنج درپیش ہو گا۔ انڈونیشیا میں جاری میگا گیمز میں پیر کو کھیلے گئے مینز والی بال ایونٹ کے گروپ بی کے پہلے میچ میں پاکستانی ٹیم نے شاندار کھیل پیش کرتے ہوئے حریف منگولین ٹیم کو 3-0 سیٹس سے ہرا کر ایونٹ میں جاندار انٹری کی۔
