پان منڈی ہندو پارک میں جھولا گرنے سے باپ بیٹی زخمی

کراچی(اسٹاف رپورٹر) پا ن منڈی کے قریب ہندو پارک میں جھولا گرنے سے باپ بیٹی زخمی ہوگئے۔ تفصیلات کے مطابق ہندو پارک میں نصب جھولا گرنے کے نتیجے میں جھولے میں بیٹھی6سالہ اریبہ اور 35سالہ عارف ولد شیرزادہ خان زخمی ہوگئے، اطلاع ملتے ہی ریسکیو ٹیم نے موقع پر پہنچ کر دونوں کو طبی امداد کے لئے سول اسپتال پہنچایا ۔ پولیس کے مطابق دونوں زخمیوں کی حالت خطرے سے باہر ہے ۔