حافظ نعیم نے سوسائٹی زون کے تحت اجتماعی قربانی کیمپ کا دورہ کیا

کراچی (اسٹاف رپورٹر) امیر جماعت اسلامی کراچی حافظ نعیم الرحمن نے جماعت اسلامی اور الخدمت کے تحت مہم چرم قربانی و اجتماعی قربانی کے سلسلے میںعید کے تینوں روز تمام اضلاع کا دورہ کیا اور کارکنوں اور ذمہ داروں سے ملاقاتیں کیں ۔ حافظ نعیم الرحمن سیکریٹری جنرل عبدالوہاب اور دیگر ذمہ داران کے ساتھ سوسائٹی زون کا کیمپ کا دورہ کیا ۔ انہوں نے کارکنان اور رضاکاروں کی کاوشوں کو ساراہا اور امید ظاہر کی کہ آئندہ بھی یہ جذبہ کارفرما رہے گا ۔ انہوں نے عزم ظاہر کیاکہ جماعت اسلامی اللہ کی رضا کے لئے چرم قربانی جمع کرنے سمیت مخلوق کی خدمت جاری رکھے گی اس موقع پر یونس بارائی ، یوسی 18 کے چیئرمین ، یوسی 8 کے کونسلر سید وزیر قادری، ناظم زون سلیم عمر، ریاض کملانی ، خالد خمیسہ، فرخ شیخ، نعیم اختر اور فاروق کملانی کے علاوہ کارکنوں اور رضاکاروں کی بڑی تعداد موجود تھی ۔