محمد عرفان کی شاندار بالنگ بھی بارباڈوس کو بچا نہ سکی

برج ٹائون (امت نیوز) کیریبین پریمیئر لیگ میں محمد عرفان کی ریکارڈ ساز بائولنگ بھی بارباڈوس ٹریڈنٹس کو شکست سے نہ بچا سکی، انہوں نے 4 اوورز میں ایک رن دے کر 2 کھلاڑیوں کو بھی پویلین کی راہ دکھائی لیکن ان کی بہترین بائولنگ بھی ٹیم کے کام نہ آئی، جمیکا تلاواز نے سینٹ لوشیا سٹارز کو ہرا کر چوتھی فتح کے ساتھ ہی پوائنٹس ٹیبل پر ٹاپ پوزیشن حاصل کر لی۔ سی پی ایل کے سلسلے میں کھیلے گئے 16ویں میچ میں بارباڈوس ٹریڈنٹس نے پہلے کھیلتے ہوئے مقررہ اوورز میں 6 وکٹوں پر 147 رنز بنائے، کپتان جیسن ہولڈر نے 54 رنز کی عمدہ اننگز کھیلی، شے ہوپ 26، ڈیوائن سمتھ 20 مارٹن گپٹل 19 اور سٹیون سمتھ 4 رنز بنا کر آئوٹ ہوئے، ڈیوچ اور بین کیوٹنگ نے 2، 2 وکٹیں لیں۔